يالماشي لبعيد عليلة الكم بالديار
عفتوها جن بيت شعر بي كضت النار
**************************
عفت بالدار عين مغوركة دموع متعودة على عينك
كل ما جاسها بحرورة الشوك تصرخ بوية وينك
تطلبك دين ابوة يبن الاجواد تعال ووفي دينك
يبو جف الطويل بوصف الارحام لتكصر يمينك
يا بلسم الروح تعال وداوي الجروح *** عايفها بالدار تريد وياكم تروح
يا بلسم الروح تعال وداوي الجروح *** عايفها بالدار تريد وياكم تروح
**************************
يالماشي لبعيد
**************************
تتعب من تجي ساعات الغروب يبني الفركة مرة
عليله وحكها اذا تتعب يمهيوب فراك الغالي كسرة
صوت وجسم من الهجر متعوب البعد محد يكدرة
وفوك جفونها دمعاتها تروب وتنام بعين حمرة
بعد الاهل موت ثجيل يحز بالاركاب *** يابو المداليل العليلة فراكها تراب
بعد الاهل موت ثجيل يحز بالاركاب *** يابو المداليل العليلة فراكها تراب
**************************
يالماشي لبعيد
**************************
يمضيج ديار العز يمسؤول رد واخذ الامانة
خيول الهجر يم ديارنة تجول تعبنة من الامتانه
لا حاضين بيك ولحنا ميتين سبي غيابك سبانة
يبو علوم الجبيرة الترفع الراس فراكك شيبانة
خاف اعتب عليك وازعلك وانت متعوب *** حال العليلة بغيابك يكسر كلوب
خاف اعتب عليك وازعلك وانت متعوب *** حال العليلة بغيابك يكسر كلوب
**************************
يالماشي لبعيد
**************************
على دارك من يحط الطير احاجي واكلة شلون اهلنا
بلكت مار بيكم واسمع اخبار عن اهل المحنة
عساها بخت طف الشوم يحسين رحتلة وطش شملنا
لا مرسال منك جاي وارتاح ولانتة الراجع النا
ما راح احاجيك واجرحك خاف اأذيك *** تدري العليلة بغيابك بس تهم بيك
ما راح احاجيك واجرحك خاف اأذيك *** تدري العليلة بغيابك بس تهم بيك
**************************
يالماشي لبعيد
**************************
اذا ما ناوي ترجع ودي عباس يجي وحملك يشيلة
انا ابقى بديارك ما اجي وياك بس اخذو العليلة
خاف تموت عندي من بجي الليل عتبكم مالي حلية
شكللكم قصرت وياها لو كول امانتكم ثجيلة
يالماخذ الحيل هجركم سوطة جلاد *** بعد الاهل نار توجر بالافواد
يالماخذ الحيل هجركم سوطة جلاد *** بعد الاهل نار توجر بالافواد
**************************
يالماشي لبعيد
**************************
يمزود مرضها بروحتك هاي تعال الفركة تكتل
غاليتك ييمة تكوم وتطيح كُل ما شاهدت بل (الابل)
لا مقتنعة , ما ترجع يسردال ولا مقتعة تُقبل
حرت ما بين هاي وهاي يحسين ودمعها عليك يهمل
بُعد الابو يريد كلب ما مرة مفجوع *** عفت العليلة كلبها عليك مفجوع
بُعد الابو يريد كلب ما مرة مفجوع *** عفت العليلة كلبها عليك مفجوع
**************************
يالماشي لبعيد عليلة الكم بالديار
عفتوها جن بيت شعر بي كضت النار
اخوكم السيد محمد اللطف
لا تنسونا من الدُعاء